అరె రే ! వీడెవడు రా ఉత్త సత్తెకాలపు మనిషల్లే వున్నాడు చాందస భావాలు పోయేటట్లు లేవు అని మా మామ (రెడ్డి గారు, మనసు పలుకు' అనే బ్లాగ్లో వుంటాడు) అంటూ వుంటాడు . మరి నేను మరీ అంత సత్తెకాలం వాడ్ని కాదని నిరూపించుకోవాలి కదా....ఏమంటారు ? అందుకని నాకు నచ్చిన మరో 'తవిక' ఇది. దీన్ని చదివి మీరు వీడెవడో కమ్యుని ష్ట్ లేక రాడికేల్ అనుకుంటే తప్పు నాది కాదు ...మామ ది. అయినా నాలో కూడా కొంత అభ్యుదయ వాదం వున్నదనుకోండి. ఇది శ్రీ శ్రీ గారి కవిత్వం చదివిన దగ్గరినుంచి అలవాటయ్యింది . నా అభ్యుదయ వాదానికి ఇది ఒక మచ్చు తునక మాత్రమే.
భూతాన్ని,
యజ్ఞోపవీతాన్ని,
విప్లవ గీతాన్ని నేను.
స్మరిస్తే పద్యం,
అరిస్తే వాద్యం,
అనల వేదిక ముందు ఆసరా నైవేద్యం.
నేనొక దుర్గం,
నాదొక స్వర్గం,
అనర్గళం, అనితర సాధ్యం, నా మార్గం.